Acid тестови

Прво што ви падна на памет кога го прочитавте насловот, претпоставувам дека беше поврзано со хемијата. Сепак, не е.

Има, од 1996-та година па наваму, вкупно 3 тестови, Acid1, Acid2, и најновиот Acid3 тест. Како што напоменав погоре, не е поврзано со хемија, туку повторно со компјутерите, поточно прелистувачите, и нивното точно прикажување на страниците.

Првиот тест е направен од Todd Fahrner, кој бил фрустриран од точноста и строгоста на тогашните тестови. Тој тестирал неколку функции во прелистувачите, и со помош на референтна страна се одредува дали тој прелистувач го „положува“ тестот. Денес, сите познати прелистувачи (IE, Mozilla Firefox, Opera, Netscape, Safari...) успешно го поминуваат овој тест.

Изглед на Acid1 тестот

Вториот тест од Acid низаата е направен по инспирација од првиот. Тестира неколку функционалности, меѓу кои се алфа-проѕирноста во PNG сликите, HTML објекти, позиционирање на CSS (апсолутно, релативно и фиксирано), дизајн на табели со CSS, „лебдечкиот“ ефект (Hover effect, менување на позадинската боја/слика на одреден елемент при поминување со глувчето врз него) и др. Направен е од Ian Hickson. Официјално, тестот го поминуваат следниве прелистувачи:

• WebKit- и KHTML-базирани прелистувачи
  • Safari
  • OmniWeb
  • Shiira
  • iCab
  • Konqueror
• Presto-базирани прелистувачи
  • Opera
  • Internet Channel
• Gecko-базирани прелистувачи
  
  • Mozilla Firefox 3

Изглед на Acid2 тестот

Стигнавме до третиот „киселински“ тест, односно Acid3 тестот. Во јавност е излезен на 3-ти март 2008-ма година. Карактеристично за овој тест е тоа што е поделен во неколку групи, наречени Bucket-и (поточно, ги има 6), во кои се сместени вкупно 100 поттестови (со исклучок на првиот, 97, 98 и 99-тиот поттест, кои се специјални и припаѓаат на т.н. 7-ма група). Овој тест ги проверува следните функционалности (мислам дека глупаво би било да ги преведам, затоа ги оставив на англиски):

• Bucket 1: DOM Traversal, DOM Range, HTTP
• Bucket 2: DOM2 Core and DOM2 Events
• Bucket 3: DOM2 Views, DOM2 Style, CSS 3 selectors and Media Queries
  
• Bucket 4: Behavior of HTML tables and forms when manipulated by script and DOM2 HTML
• Bucket 5: Tests from the Acid3 Competition (SVG,[4] HTML, SMIL, Unicode, …)
• Bucket 6: ECMAScript

Овој тест, засега не го „положува“ ниту еден од познатите прелистувачи, досега успешен е Safari, но верзијата која што е сеуште во развој (Safari 4). Исто така и Chrome-то од гигантот Google (бидејќи користат ист енџин, WebKit). По нив следи Opera (WinGogi Acid3 build, со 99/100 поминати тестови), па Firefox (Gecko/try-836bb85189e Minefield/3.1b1pre, со 97/100 поминати тестови), па потоа следи Konqueror со 78 поминати тестови, и на крај, IE 8 Beta 2, кој поминува само 21 тест, од вкупно 100. Од Microsoft го изјавија следново:

Иако Acid3 тестовите се добра збирка на интересни тестови, и дел од нив ке се имплементираат во IE8, ние ќе се фокусираме на најважните функции, кои на web развивачите ке им го олеснат животот.

Изглед на Acid3 тестот

Во моментов, се развива и уште еден тест, Acid4, но за него, за жал, не се познати никакви информации сеуште. Ќе почекаме... :)