18 октомври, 2008

ext2, ext3 партиции...

Тоа се видови на податочни системи (filesystems) што ги користи GNU/Linux оперативниот систем. Под Windows, не може да се прочитаат. На пример во dual-boot системи Windows-Linux, од Linux-от можете да влегувате во Windows партициите, но не можете обратно, од Windows да влегувате во партициите на Linux-от.

Има еден трик како да влезете во партицијата на Linux дури сте во Windows. За таа цел користете го овој софтвер. Се вика Еxt2 Installable File System For Windows.

Ги поддржува Windows NT 4, Windows 2000, Windows Xp, Windows 2003 и Windows Vista. Со негова помош можете и да читате од Linux партиција, а исто така и да пишувате. Системот автоматски ја препознава партицијата и ја „мапира“ така што брзо и лесно ке можете да влезете во партицијата, преку My Computer.

Лесна е за инсталација и користење. Ако заглавите некаде, проверете го FAQ-то, или контактирајте го авторот.

13 октомври, 2008

Што луѓето велат за Google Reader?

Една слика, милион зборови:

02 октомври, 2008

Acid тестови

Прво што ви падна на памет кога го прочитавте насловот, претпоставувам дека беше поврзано со хемијата. Сепак, не е.

Има, од 1996-та година па наваму, вкупно 3 тестови, Acid1, Acid2, и најновиот Acid3 тест. Како што напоменав погоре, не е поврзано со хемија, туку повторно со компјутерите, поточно прелистувачите, и нивното точно прикажување на страниците.

Првиот тест е направен од Todd Fahrner, кој бил фрустриран од точноста и строгоста на тогашните тестови. Тој тестирал неколку функции во прелистувачите, и со помош на референтна страна се одредува дали тој прелистувач го „положува“ тестот. Денес, сите познати прелистувачи (IE, Mozilla Firefox, Opera, Netscape, Safari...) успешно го поминуваат овој тест.

Изглед на Acid1 тестот

Вториот тест од Acid низаата е направен по инспирација од првиот. Тестира неколку функционалности, меѓу кои се алфа-проѕирноста во PNG сликите, HTML објекти, позиционирање на CSS (апсолутно, релативно и фиксирано), дизајн на табели со CSS, „лебдечкиот“ ефект (Hover effect, менување на позадинската боја/слика на одреден елемент при поминување со глувчето врз него) и др. Направен е од Ian Hickson. Официјално, тестот го поминуваат следниве прелистувачи:
Изглед на Acid2 тестот

Стигнавме до третиот „киселински“ тест, односно Acid3 тестот. Во јавност е излезен на 3-ти март 2008-ма година. Карактеристично за овој тест е тоа што е поделен во неколку групи, наречени Bucket-и (поточно, ги има 6), во кои се сместени вкупно 100 поттестови (со исклучок на првиот, 97, 98 и 99-тиот поттест, кои се специјални и припаѓаат на т.н. 7-ма група). Овој тест ги проверува следните функционалности (мислам дека глупаво би било да ги преведам, затоа ги оставив на англиски):
  • Bucket 1: DOM Traversal, DOM Range, HTTP
  • Bucket 2: DOM2 Core and DOM2 Events
  • Bucket 3: DOM2 Views, DOM2 Style, CSS 3 selectors and Media Queries
  • Bucket 4: Behavior of HTML tables and forms when manipulated by script and DOM2 HTML
  • Bucket 5: Tests from the Acid3 Competition (SVG,[4] HTML, SMIL, Unicode, …)
  • Bucket 6: ECMAScript
Овој тест, засега не го „положува“ ниту еден од познатите прелистувачи, досега успешен е Safari, но верзијата која што е сеуште во развој (Safari 4). Исто така и Chrome-то од гигантот Google (бидејќи користат ист енџин, WebKit). По нив следи Opera (WinGogi Acid3 build, со 99/100 поминати тестови), па Firefox (Gecko/try-836bb85189e Minefield/3.1b1pre, со 97/100 поминати тестови), па потоа следи Konqueror со 78 поминати тестови, и на крај, IE 8 Beta 2, кој поминува само 21 тест, од вкупно 100. Од Microsoft го изјавија следново:
Иако Acid3 тестовите се добра збирка на интересни тестови, и дел од нив ке се имплементираат во IE8, ние ќе се фокусираме на најважните функции, кои на web развивачите ке им го олеснат животот.


Изглед на Acid3 тестот

Во моментов, се развива и уште еден тест, Acid4, но за него, за жал, не се познати никакви информации сеуште. Ќе почекаме... :)